عندما دخلنا الى الرجل المسن ذو اللحية البيضاء وطلب مني الجلوس بجانبه على حجر بجنبه .....قال لي انت فلان( اسمي الكامل وعمري واخذ يدخل بتفاصيل العائله وانت متزوج ولك طفل وطفلة وتزوجت بتاريخ كذا وغيره وغيره ) كان كل كلامه صحيح مية بالمية وحتى في اشياء لم اتذكرها انا ذكرني فيها ....... ساعتها ايقنت انني انا المستهدف في هذه الرحلة ....والله يستر من تاليها ..... احضر عشاء وتعشينا مع بعض .........
وقال نكمل الكلام بعد ان نتعشى لانكم جايين من مسافة بعيدة..... وكمل الحديث.. هل تصلي ولا بتقطع بعدك ؟
.... وكيف انت والدين .... قلتله يعني ماشي الوضع ....كيف حياتك الاقتصادية بتطلع 30 شيقل يوميا بس؟...ولا اكتر؟؟؟؟؟؟؟ قلتله مش كل الايام متل بعضها ايام 20 وايام 30وايام 70 صافي بعد محاسبة صاحب التاكسي ...... وبلش كيف بدك تعيش بالغلاء وشو تعمل مع اولادك لما يكبرو .....وعيلتك تكبر ومنوين بدك تعيش .... فلان وفلان احسن منك ؟؟؟؟؟ قلتله بعين الله واللي كاتبة الله بصير ... شو بدنا نعمل الحياة صعبة .... كنت مرتاح بالسجن؟؟؟؟؟؟؟؟؟؟ لما كنت بالجامعة ..... وهاي نهايتها شهادة جامعية وسائق تكسي ؟؟؟؟؟؟؟؟؟؟ اطلع على اصحابك اللي ما درسوا شو اليوم حالتهم المادية ...... لدرجة انني لم اتمكن من الرد على أي سؤال أي غسيل مخ كامل ...... وبعدين وضعت يدي على رأسي شو هالورطه هاي ؟؟؟؟؟؟؟؟؟؟؟؟؟؟
قلتله اسمعتك كتير ....واجبتك على كل اللي بدك اياه ....مين انت ؟؟؟؟؟؟؟؟ احكيلي مشان الله ؟؟؟؟؟؟؟؟؟؟؟؟
ضحك ضحكة صفراء جدا ....وقال لي بتهكم .... لسه ما عرفتني مين انا ؟؟؟؟ غريب ...غريب ....!!!!!!!!!!
قال انا من يريد ان يخرجك من مأزقك المالي .... انا من يريد يفتح لك ابواب النعيم ......... انا من يريد ان يشار اليك بالبنان .... انا من يريدك ان تلف الدنيا اللي ما خرجت من بلدك طول عمرك ....... رايح تلعب بالفلوس لعب ..... احكيلي شو اخبار فلان وفلان اصحابك...انا بعرفهم وكنت معهم بالسجن واحنا هون في مكان امن ....بعدهم نشيطين ولا خملوا و كنا نبعتلهم فلوس كتير لشغلهم ..... بس شايفهم نايمين ...ما بفكرو بشيء....؟؟؟؟؟؟ يبيض وجهم قدام الناس ..... وفجأة جلب سجادة الصلاة وقام يصلي العشاء ..... بصراحة خربط كياني كله .... مين هاض ؟ مخابرات ولا مناضل وقائد ولا رجل دين ولا نصاب ؟؟؟؟؟؟؟؟؟؟؟؟؟؟؟؟؟؟؟
حضرت الفتاة وجلست معي وبصوت منخفض ... الشيخ من المناضلين وما حد بعرف عنه شي ...وكل الاخبار والتنسيق بصير معي .....وهو مطلوب رقم واحد ....وبحب يعرف عن شبابنا كل شيء للمتابعه ...... شو عملوا ووين وصلو ا بالنضال .. وشو ناقصهم ... وما تخبي عنه شي لانه بحب يعرف كل شي .....وبزعل كتير ازا ما حكيتله كل شي ... ممكن تكون العواقب كبيره عليك فخليك انت المبادر بكل شي بتعرفه ......... خلص صلاة وجلس على المفرش واخذ بالدعاء ( اللهم انصر المجاهدين في فلسطين .....ووووو .....) وسلم وعاد الى مقعده ..... وطلب مني الحديث ليسمع مني كل شيء .....وانا بعفوية تامة حكيتله ما بعرف شي ...ولا اختلط مع كل من ذكرتهم ...وانا اعمل سائق ويا دوب اقوم بهمي .....وما عندي أي كلام احكية الك .... والله ما عندي ....
فاشتاط غضبا ....واحمر وجهه ..... وعقد حاجبيه ..... واخرج مسدسا من عبائته .... وصوبه نحوي ...... ورفع الامان ... واخرج الفتاة حتى لا ترى ...وصارت تتوسل بعدم قتلة ....وحسيت بدنو الاجل .......وصرخ بوجهي.... وقال قف على الحيط وطلب من الفتاة تعصيب اعيوني ...... وفعلا تم ذلك ...وخرجت رصاصتين ....
ولتكملة القصة واحداثها والتعرف على اشخاصها ....ودراميتها .....نتابعها بالحلقة القادمة ان شاء الله .....
_________________
- أنني احس على وجهي بألم كل صفعة توجه الى مظلوم في هذه الدنيا .
موضوع: سائق تاكسي 2 
2009-02-26, 12:26 pm
اليومية
