ما حدا بينكر انو بالحب بيوظف الانسان قلبو اكتر من عقلو و بيصير يفكر برومنسية و بيطير مع العصافير و بيحلم مع الاحلام بالليل و بالنهار و الى ما هنالك من عوارض الحب
اكيد ما منختلف كمان ع فكرة انو كل شخص فينا بيحب بطريقتو و متل ما هوي بيشوف صح و حسب قناعاتو
لكن عندي سؤال
لما البنت ( تحديدا ) بتحب ... ليه بتستخدم قلبها فقط و بتجمد العقل يللي بحس انو بيضل بجلاتينتو ( يعني صاغ و جديد و كانو اشترتو من السوق صمدية بس ) و ما بتستخدمو ابدا ؟؟
يعني مجرد ما الشب قللها ما احلاكي بتصير بعالم تاني هالمخلوقة و بيتوقف عندها كل شي اسمو تفكير ؟؟؟
لا حدا يستغرب من كلامي .. صحيح انا مناصرة تماما لكل شي اسمو انثى بهالدنيي و بشد ع ايدها وين ما كانت و حتى اذا كان الحق عليها بساعد انو يصير الحق معها لكن بستغرب كمان كتير احيان من قصص الحب التافهة الفاشلة ( بعتذر عن التعبير ) يللي بتكون ضحيتها البنت
كتير احيان بشوف انو البنت بتقول ... كان بيقللي بيحبني
كان بيقللي بيموت فيي
كان بيقللي و بيقللي و يقللي و متتاخدة بكل شي كان ينقال لالها بدون ما تفكر لاي درجة هالحكي صح .. طيب
و هلا وينو اخونا ؟؟؟
تركني و راح و طلع كذاب !!!!!!!!
لهالدرجة الوحدة فينا ما عم تقدر تميز الكذب من الصدق ؟؟
ما قدرت تميز انو هالشخص مثلا عم بيحكيها بالشكل و بالعواطف و بس و متجاهل تماما العقل يللي عندها و اراءها كانسان الة دور بهالحياة ؟؟؟
لهون بتوصل فينا الامور لدرجة انو ما بتعرف مع مين عم تتعامل ؟؟؟
مع انو بعتقد انو واجب على كل حدا فينا انو يحدد طريقة تعامل الناس معو ان كانوا احباء او اصدقاء او اهل او حتى غرباء
كل شخص فينا عندو ايجابيات و في بهالدنيي ناس قادرين على انو يطلعوا المنيح يللي فينا لو عرفوا الشيفرة الصح للتعامل معنا
احيانا البعض مننا بيكون ايجابي سهل بالتعامل بالحياة و مع الناس و بتتدرج الصعوبة شوي شوي و طبيعي جدا انو ما نتعامل بنفس السوية مع الكل
لكن هل من المعقول انو نصير وحوش لما بيعلق بين ايدينا حدا ( سهل و بينضحك عليه ) لمجرد انانية موجودة جواة الانسان ؟؟
طيب في حال اعتبرنا انو الانانية موجودة و بتتحكم فينا حكما هل من المعقول انو الطرف الاخر ما بيقدر يحس علينا ؟؟؟
او انو لهالدرجة هوي ( غبي ) لدرجة انو ما ينتبه ؟؟
بكره تماما لما بشوف انو الصبية الحلوة عقلها بشكلها و ما عم تستخدم هالعقل لتفهم ع القليلة شو شدها و حببها بهالانسان يللي بيتسمى ( حبيب ) !!! و بتنشاف الدنيي من بين عيونو
ع اي اساس بينبنى حب كبير و بيهد الدنيي .. بالحكي بس !!!!
الحوار مفتوح
_________________
قال لي يوما ....
أحبك يا ملكة العالم فلولاك ما كانت روابي ... ولا كانت السماء تدر الغيث ... ولا كان في الأرض من سرور...
أحبك أعيدها لتمتلئ السماء بصخب القول : أحبك أحبك
موضوع: موضوع حلو ومميز 
2009-06-02, 3:18 pm
اليومية
