قصة حياة عضو

موضوع: قصة حياة عضو 2009-11-15, 11:52 pm

احنا دايما مع بعض في دار المنتدى..

ودايما نرد على مواضيع بعض..

وبنلعب سوا بالسطوح..

بس مهما كان..

دايما في حاجه جواتنا..

تحسسنا بفضول..

انو نعرف هذا الشخص..

او هذاك..

ونتعمق بشخصية هذا او هذا..

ودايما نحب نتعرف على الاعضاء اكثر واكثر..

عشان كدا..

جا في بالي موضوع..

{ قـــــصة حـــــياة عــــــضو ..

واتمنى من الجميع..

{ فضلاً لا أمراً..

انو الكل يشارك بالموضوع..

ما بدي احد يشارك برد وبس..

بدي الكل يشارك بقصه من حياته..

ولو جزء صغير من حياته..

اهم شي انو نتعرف عليه اكتر من خلالها..وانا حبدا...انا نولدت بـعمان 19 / 1 / 1986 طبعا انا جيت واجت كل حاجة وحشة معاي هههههههههههه مطر وبرد وتلج

بعدها سافرت الكويت مع عائلتي وضلينا لحتى صارت حرب الخليج الاولى ورجعنا على الاردن وعدين على ارض الوطن للأسف هههههههههههههههههههه احم احم
وبلشت ادرس بمدارس بلدي السيلة وبعد ما خلصت التوجيهي انتقلت للحياة بنابلس وضليت هناك لحتى خلصت جامعة
حاصل على درجة البكالوريوس في اللغة والأدب
حاليا اعد لنيل درجة الماجستير
اسست احلى منتدى بالعالم (دروب الأمل ) واتعرفت على اروع ناس بالعالم
برجي هو الجدي
لوني المفضل الأحمر

مطربي المفضل عبد الحليم
بكتب شعر ونثر
اكلتي المفضلة المقلوبة هم هم هم هههههههههههه

هيك بكفي شو رايكم بكفي

موضوع: رد: قصة حياة عضو 2009-11-16, 11:23 am

يسلمووووووو يا استاز ع الفكرة كتير حلوة و مميزة
بعدين ليش بتئول عن الشتا و البرد حاجة وحشة اصلا احلى فصل بالسنة الشتا انا بمووووت ع الشتا وقصتك حلوة و انشالله بتتوفق يا رب على طوووول و يا ريت نعرف عنك اكتر

انا و اعوز بالله من كلمة انا ههههههه ال زي اللي بفهمو ههههه

نولدت باحلى بلد نابلس باول الخريف بشهر تشرين الشهر الغدار اللي بشتي ع فجأة ههههههه

و عشت بنابلس لهلأ و درست فيها و هلأ بدرس بكلية من كلياتها
و مسجلة باكتر من منتدى بس متل دروب الامل ما شفت
و انا عنجد برتاح كتييييييييير لما بدخل ع هاد المنتدى حتى هو الوحيد اللي حطيتو بالمفضلة عندي لانو اعضاؤه كتير روعة
بحب اللون الاسود كتير وهو اللون الاساسي عندي
برجي الميزان و بحب اليسا كتير
و في ناس كتير رووووووعة دخلوا بحياتي فجأة بس صارو احلى شي فيها
و والله والله ما بعرفو اديش انا بعزهم
بعزهم اكتر من حالي الله يسعدهم شو غاليين

و هاي كل شي عني حياتي كانت شغلة و لما دخلوها صارت شغلة تانية

موضوع: رد: قصة حياة عضو 2009-11-16, 1:40 pm

فكرة حلوه استاز
بالنسبه لنور الشمس ويلي هيه سوبر دودو(دانيه)
من مواليد سنه 1993 مولوده في جنين في مستشفى الحكومه (لو بعرف كان رجعت لولدوني بمستشفى بعجبني ههههههههههه) المهم شرفت على الدنيا الساعه 7 ونص الصبح كان يومها وقفة عرفه (لو جيت ولد كان اهلي سموني عرفه هههههههههه) يوم الاحد

المه عشت5 سنين ازا مو اكتر من عمري بقريه برطعه (قرية والدي)وبعدين انتقلت انا وعيلتي على جنين وكملت دراستي درست روضه في روضة الشرعيه ومن صف اول الى صف العاشر وانا بمدرسة الابراهيمين وطبعا" في مراحل دراستي تخللها تفرقات ومصائب و هموم وهيه اعتقالات والدي
طبعا" انا تعرفت على المنتدى عن طريق سوس يعني تقريبا" في 25-1 بلي سنه بالمنتدى (طلعت مأرخه فيه )بكل صدق لقيت بالمنتدى اخوه وناس كلهم حبايبي تعرفت على شخصيات مختلفه وجنسيات مختلفه يعني باختصار منتدى رووووووووووووووووووووووووووووووووووعه فشكرا" للاستاز العظيم يلي جمعنا من مختلف البلدان بمنتدى واحد
وانا حاليا" بالصف الحادي عشر تجاري والله يستر من التوجيهي من هلا هاكل همه وان شاء الله ازا ربي وفقني بالتوجيهي رح ادرس بجامعه النجاح الوطنيه في كليه الاقتصاد والعلوم السياسيه يا رح اردس يا محاسبه او ........ الله يعلم لوقته بيجه مقته

هاي حياتي بكلمات بسييطه(اكيد بتحكه كل هالحكي وكلمات بسيطه هههههههه)
احلى اعضاء

[size=18]

نسيت اقلكم عن اشياء مفضله الي (صايره كتير انسى الله وكيلكم)
اللون المفضل الي الاسود
بحب اشاهد الافلام الاجنبيه والهنديه
ما في مغني مفضل (بالمشرمحي مو كتير بسمع اغاني بس الله يحفظهم خواتي سوس ولول خلوني مدمنه هههههههههههههه مزحه)
رقمي المفضل 4
هدفي الحالي هوي احقق حلم والدي فيه (ادعولي احققه)
يلا هيك بكفي كتير حكيت سلامو يا احلى ناس

[/size]

موضوع: رد: قصة حياة عضو 2009-11-16, 2:43 pm

اما انا سكر زيادة احم احم احم احم هههههههههههههههههههه( سمر)بنت مجنونة وشعنونة والقعدة ما بعرفها هههههههههه والجنون الصفة الملازمة الي زي اسمي
انولدت ب 23/9/1993 اصغر من دانية وليلى لازم اسمع كلمتهم ههههههههههههههه جيت بيوم نحس بساعة نحسة لانو سيدي يومها مات ههههههههههههههههه داخلة على الدنيا حامية هههههههههههه
عشت بغزة 5 سنين وجينا على الضفة وانا 6 سنين درست باغلى واحلى مدرسة على قلبي الابراهيمن 10 سنين وهلأ انا اول ثانوي علمي مغلوب علي اخ وينتا اخلص بس .. تعرفت على المنتدى عن طريق الاستاز ولو تنسو الشاي دخيلكم هههههههههههههههه بدو يصيرلي قرابة سنة بالمنتدى واحلى سنة بحياتي تعرفت على اغلى واحلى اعضاااااااء
حلمي احقق كل اهداافي ان شا الله وراح ادرس الطب ان شا الله لمغني المفضل عبد الحليم ، عمري تلات بنات دانية وليلى وحنان اعز صاحبات عندي ..
وان شا الله اكمل حياتي مع هالمنتدى ......

مشكووووور استاز للطرح الحلوووووووو والمميز

موضوع: رد: قصة حياة عضو 2009-11-17, 8:25 pm

اه موضوع حلو يااخ محمد
طبعا انا واعوز بالله من قول انا ( انا علاء التعمري من مدينة بيت لحم عمري 20 سنة بدرس بجامعة بيت لحم علم نفس اكتر شي بحبه بحياتي الرياضة بحب منتخب فرنسا وريال مدريد لوني الي بحبه الاصفر تعرفت عالمنتدى عن طريق صاحبي ومنتدى دروب الامل كتير حلو والي فيه كتير مناح ,بتمنى أكون معكم دايما واكون جزء منكم بتعجبني شخصية قصي كتير مرح وبنت الحرة كتير طيبة وشكرا الكم

موضوع: رد: قصة حياة عضو 2009-11-19, 4:02 pm

شكرا استاذ على هذا الطرح Smile

اسمي سارة من المغرب بالضبط من مدينة الناظور واصلي من مدينة راس الماء (100 كلم شرق مدينة الناظور) من مواليد 5/8/1991 ..عشت طفولتي في البادية مع عائلتي(عائلة جد محافظة امازيغية) ولما صار عندي 6 سنين انتقلنا لمدينة الناظور مشان دراستي انا واختي وكمان ومشان شغل بابا...
بدرس بباكلوريا شعبة علوم الحياة والارض وان شاء الله بعد الباكلوريا حابة ادرس كمبيوتر اسال الله يوفقني ويوفق الجميع يااااااا رب

هواياتي .. بحب القراءة والرياضة والنت .. اتعرفت على هذا المنتدى عن طريق الاستاذ محمد جرادات ..في الحقيقة عجبني كتير واللي عجبني اكتر اعضاءه لانهم ناس كويسين ومحترمين ولي الشرف الكبير اني اكون بينهم Smile

برجي الاسد و لوني المفضل الاسود ..
امنياتي : مرضاة الله والوالدين وتوقف الحرب في فلسطين والعراق واشوف كل الناس بخير ..ان شاء الله يا رب
وشكرا

» صور منتجع حياة نابلس
» حياة ميسي مع برشلونة