من قال ان الحب انقرض؟

من قال الحب إنقرض؟



من قال إن مافي حب طاهر بعد اليوم؟
من قال إن الحب إنتهى من زمان؟
من قال الحب إسطوره؟



•حب عذري•


هي ..حبته من نعومة أظافرها
وحبها من وهي في المهد
بالرغم من أن أجسامهم صغيره إلا إنهم حملو حب كبير
هو الوحيد إمتلك قلبها من بين أولاد عمها
وهي الوحيده ملكت قلبه وعقله من بين البنات
كبرو وكبر حبهم معهم
لين ماجمعهم بيت واحد وسارو قلب واحد وروح وحده
[من قال الحب إنقرض؟]



•حب شفّآف•


هو ..كل ماتطلع من بيتهم يطلع قلبه
حافظ كل شي يخصها
ولامن طرو إسمها
يرقص بقلبه على أنغام الطبول
يسأل أخته دايم عنها
بنت جيرانهم وعاجبته
خاف وتردد يخطبها وترفض
وقدم رجل على رجل وخطبها
ودخل معها أحلا قفص..قفص الزوجيه مع من ملكت قلبه
[من قال الحب إنقرض؟]
..




•حب مسستحيل•


هي..حبته رغم الفروق اللي بينهم
جمعهم حب واحد وحد أجناسهم وألوانهم ومذاهبهم ..!!!!
رفضو أهله ورفضو أهلها
بسبب المذاهب والأديان
لكن بتيسير ربي مافي شي مستحيل
وتم زواجهم
والكل للحين يسأل
حتى هم يسألون للحين
ياترى هاللي صار حقيقه او خيال؟؟؟
[من قال الحب إنقرض]



•حب تضحيه•


هو..كبر وسار رجال يعتمد عليه
وإشتغل في وظيفه مرموقه
وبقى إنه يكمل نص دينه
وإختاروله أهله بنت ناس ومحترمه
وكل حياته كامله ماينقصهم إلا الولد
لكن ماكتب لهم الله إنها تقدر تجيب عيال
ومع هالشي بقى جانبها يواسيها ويحاول يسعدها
رغم كل محاولات اللي حولهم بتفريقهم
لكن صمدوا بوجه الكل
لين ربي عوضهم باللي ناقص عليهم جزاة صبرهم
[من قال الحب إنقرض]



•حب بالخفاا•


هي..عشقته من دون الناس
كتبت حبه في كل مكان
نقشت إسمه بحنة الذهب
زينت رسم الحروف بقلبها
نبضها يعشق بسمته
وهو يعشقها ويموت في الثرى لامن تدوسه
هي من مكان وهو من مكان
بعاد عن بعض لكن ماتغير بقلبهم شي على بعض
عشقو بعض أكثر وأكثر
بالرغم من إنهم سابحين بعكس التيار
إلا إنهم وصلو للبر
[من قال الحب إنقرض]



•حب شفقه•


هو..بعد قصة حب مجنونه
وقلب معلق بروحين
إكتشف إنه مريض
وأن الموت على الأبواب
خاف إن تشفق عليه
تركها تعااني
كذا بدون سبب
حب يعذبها في بعده ولاتتعذب بموته
وتكرهه قبل مايموت علشان ماتفقده ويتعذذذب بقبره
إكتشفت هي بالصدفه
وبقت جنبه ماتركته
وبالرغم من رفضضه
قضت الأيام اللي باقيتله من الدنيا معه
لين إكتشف إن المرض حميد
وإن اللي فيه مجرد وله وعشق وحب لا أكثر
وضمها لروحه بعد ما تعذذبو بدون سبب
[من قال الحب إنقرض]



•حب تقليدي•


هي..فتحت عيونها عليه
أول رجال يدخل بحياتها
شالوها من بين لعبها وحطوها في قفص الزوجيه
كبرت تحت ظل زوجها وحنانه ورعايته
كبروا سوا وربو عيالهم سوا
واليوم يحتفلون بـ 30 سنه مرت على زواجهم
مليانه حب وحنان وموده ورحمه
[من قال الحب إنقرض]



\
\
\
\
\


الحب باقي لين أخر يوم بهالدنيآ
مشكلتنا مانشووفه إلا مانفقده
كلمه لكل حبيب وحبيبه
إحفظو حبكم
لاتضيعو الأيآم
لاتراكمو عليكم الأحلام
حققوها
حققوها
حققوها
العمر ماينضمن