مهو اشي بيقهر

موضوع: مهو اشي بيقهر 2009-10-06, 11:45 am



أولا: المقاطعة قاطع المنتجات الأمريكية لأنها تدعم اسرائيل. قاطع المنتجات البريطانية لأنها تدعم أمريكا. قاطع المنتجات الدينامركية عشان الكاريكاتير. قاطع المنتجات الهولندية عشان الفلم المسيء. قاطع المنتجات الألمانية لأنها جنب الدول السابق ذكرها. و بالنهاية كل الناس ببعثوا الايمالات لبعض من لاب توب كل البرامج الي فيه أمريكية، و هم قاعدين في ستاربكس بعد ما اتعشوا في كنتاكي و معاهم "تيك أوي" من ماكدونلدز. ثانيا: الصحة: لا تشرب بيبسي لأنه يحتوي على مواد تنظيف و عصارة خنزير. لا تشرب ريد بول لأنه يسبب عقم. لا تستعمل مزيل العرق و لاالشامبو و لا الصابون لأنه يسبب سرطان. لا تأكل لحم البقر لأنه يسبب جنون البقر. لا تأكل دجاج بسبب انفلونزا الطيور لا تأكل سمك بسبب المد الأحمر لا تأكل خضار و لا فواكه لأنها كلها هرمونات لا تشرب ماء لأنه معالج بالكلور لا تأكل معلبات لأنها تحتوي على مواد حافظة لا تشرب عصير طبيعي لأنه يأتي على شكل عصارة مركزة لا تشرب عصير غير طبيعي لأنه كله ألوان طيب يعني آكل هوا؟!!! ..... لأ طبعا لأنه الهوا ملوث بعوادم السيارات و المصانع. و اذا خالفت النواهي السابقة كلها، دخلنا على العادات: لا تشرب ماء بعد الأكل. لا تنام و لا تمشي و لا تقعد بعد الأكل. لا تدخن و لا تشرب شاي و لا قهوة بعد الأكل أحسن شي .... انك تاكل و تنتحر!!!!!! لا تخلي الماء في الثلاجة داخل علب بلاستك لأنه مسرطنة و لا تخلي في زجاج للأنه ممكن ينكسر بدون ما تعرف و تشربه و تموت. و لا تخلية برة الثلاجة لأنه ممكن يتلوث. و لا تشرب من الحنفية لأنها مش نظيفة و لا تشرب مية صحة لأنها معبئة من الحنفية أو مكررة و فيها مواد مسرطنة. لا تتكلم عالموبايل بدون سماعة عشان الموجات تقتل خلايا المخ و لا تتكلم عن طريق السماعة عشان الكهربا الساكنة و لا تتكلم عن طريق البلوتوث عشان الموجات برضو تقتل خلايا المخ. (يعني كل العالم الي عايشين هالأيام عايشين بدون مخ) لا تخلي الهوا يدور في السيارة لما تشغل التكييف لأنه يتلوث من التنفس. و لا تخلي الهوا يجي من بره لأنه ملوث. لا تعبي بنزين الصبح عشان الكثافة عالية و لا تعبي في الليل عشان الكثافة واطية و اشرب خل عشان يحرق الدهون .... و لا تشرب خل عشان يسبب قرحة و اطلع في الشمس عشان فيتامين "د" .... و لا تطلع في الشمس عشان الأوزون. ثالثا: الدين: ابعث هذا الايميل لجميع من عندك الله يعطيك 25864973 حسنة .... (لأنه الي باعث الايميل مكشوف عنه الحجاب) حارس قبر الرسول (صلى الله عليه و سلم) حلم انه الرسول (صلى الله عليه و سلم) قالة انه لازم يبعث الرسالة. و يجيلك ايميل مكتوب في أولة قسم انك تبعث الايميل لكل الي تعرفهم و بعدين يتم يذكرك انك أقسمت. (ماسك عليك ممسك) و ايميل فيه الجملة الحلوة اللطيفة (اذا لم تبعث الايميل فانت لا تستحق أجره) و ايميل يقولك أحاديث كاذبة و اذا ما بعثتها فأنت مقصر و ايميل يقولك "دعاء مرة واحدة في العمر" (يعني ادعية و افجر!!!!) و ايميل يقولك "دعاء هز عرش الرحمن" و ايميل يقولك "دعاء من دعاه حققت له 100 أمنية" (مصباح سحري مش دعاء!!!!) و بعدين فتوى الرضاعة و فتوى تحريم "البوكيمون" و فتوى تحريم "البلايستيشن" و أحلا فتوة فيهم ............ فتوى قتل "ميكي ماوس" يعني أحسن حل .... انه الواحد لا ياكل و لا يشرب و لا يتنفس و لا يتكلم على التلفون و لا يطلع من البيت و بس يقعد يبعث ايميلات .... ملاحظة: اذا نشرت هالموضوع هاذا بين كل الي تعرفهم راح يطلعلك جني سويسري راكب بنتلي، و اذا ما نشرته راح أطلعلك أنا كل يوم في المنام و اقولك "ليش ليش ليش ليش" للصبح

موضوع: رد: مهو اشي بيقهر 2009-10-06, 4:34 pm

ههههههههههههههههههههههههههههههههههههههههههههههههههه

هوي معك حق لازم الواحد يوكل هوا ويسكت

هاد حالنا

مشكوره اختي بنت نابسل على مواضيعك

موضوع: رد: مهو اشي بيقهر 2009-10-07, 7:47 pm

مشكوررررررررررررره

موضوع: رد: مهو اشي بيقهر 2009-10-08, 10:32 pm

مشكووووووووووووووورة موضوعك مميز
بس هيك حالنااااااااااااااااا