الفرق بين السوريه والفلسطينيه

الفرق بين الزوجة الفلسطينية والسورية



اذا وقع زوجها عن الدرج:



السوريه : ‏ولي على آمتي، سلامتك حبيبي أنشاء الله ، انا ولا ‏انتا ابن عمي ( ميته خوف عليه (
الفلسطينية : شو مالك دخت ؟ الله ما برمي الناس بحجار خطيتى الله لا يردك ) بتستناه يموت علشان تورث(


اذا الزوج بدو يسافر:


السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه
الفلسطينية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ) هوايتها نكد(


إذا الزوج تأخر بره فى شغل او مع صديق:


السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام (
الفلسطينية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق(


إذا طلبت شى منه :


السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.
الفلسطينية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال(


إذا جابلها هدية :


السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري
الفلسطينية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله (


اذا بدك شي منها :


السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي
الفلسطينية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.


لو طلبت منها فنجان قهوة :


السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس (
الفلسطينية : بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة (


اذا حكالها (بدك شي؟) وهو طالع :


السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )
الفلسطينية : لأأأأ (مع تبويزه طولها شبرين)… بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.


الذوق والتنويع فى الاكل:


السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.
الفلسطينية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.
طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.
وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) … خليها تروح يمكن تنفتح نفسك وتاكل زي الخلق

ههههههههههههههههههههههههههه
بس كتير مشوه صوره الفلسطينيه نكد بنكد

على كل حال مو كل اصابعك زي بعض

كل فلسطينيه بتختلف عن التانيه

تقبل مروري

هههههههههههههههه
الموضوع حلو بس في فلسطينيات مظلومات هون صح.........

عموما تسلم على الموضوع.......

ههههههههههههههههههههههههههههههههههههههههههههههههههههههه
كانت على سبيل المزحة لا تزعلن يا عمي
ههههههههههههههههههههههههههههههههههههههه

ههههههههههههههههههههههههههههههههههههه
حلوة بس كتير مبالغ بعدين مو كل اصابعك واحد
وهدول الفروق سببهم فرق واحد هو انه المرأة السورية آعدة مع رجل سوري صح؟
كنك ما شفت الفرق بين الرجل السوري والرجل الفلسطيني؟

هوي الموضوع جميل جدا
بس زي ما قالو انتا مشوه صورة المراه الفلسطينيه كتير
بعدين كلام هدول السوريات ايام زمان اما الان همهن المصاري وبس
وكل وحده بوزها شبرين

هههههه


يا عمي انا قصدت فيها المزحة
وين الشباب ليش ما حدا برد ((البنات كلهن اعترضن )) لازم الشباب يوفقوا شوي صغيرة مو مليح اتضل كلها معرضة

ههه

بتسمع باتحاد النساء اه احنا هون شكلنا اتحاد النساء يلا يا شاطرين شكلو اتحاد رجال تا نشوف مين الاقوى........
ههههههههههههههههههههههههههههههههههههههههه

حلو سكر اتحاد النساء

لنشوووووف وانا عندي يقين انه اتحاد النساء رح يفوز على اتحاد الرجال



فكره حلوه سكر

معركة ابطال فلسطين ستبدا

ابتداءا من غدا سوف اجمع اعضاء من الشباب ونشكل حزب شباب المستقبل

وقتها منحكم بس بدها الشغلة شويت وقت

انسيت..... مشكورات على الردود (سكر زيادة ونور شمس ))بس ما اتشنن الحملة قبل 19/4 حتى اجمع الحزب


ههههههههههههه
ان غدا لناظره لقريب ....لقريب

في حدا ما سمع يا جماعة

وبعدين ان شام ريحة دخان بالمنتدى من الصبح ما احنا حاطين لافتة كبيرة ممنوع التدخين داخل المنتدى ليش ما بتردو !!!!!!!!!!

لا تغلبو حالكم ابدا ابدا ابدا
لانو بدون شك احنا الفائزين
فبالله عليكم ما تغلبو حالكم
نصيحه مني الكم

مشكووووووووووووووووووووووووووورة عاشق الفردوس على الردود المعارضة
ومهما قويت شوكت النساء نحن لها لكاسروووووووووووووووووووووون

اخوكم قائد حزب شباب المستقبل لكسر شوكة نساء المستقبل

له له له جاءت رئيسة حزب النساء........
احنا الفائزين حتما لا شك......
بس يلا ما بدنا نمنعكم من اعطاء اراكم باشياء.......
ماشي........


رئيسة حزب النساء لكسر انف الرجال......

الله عليكم يا صبايا
يا هيك حزب النساء يا بلاش
احنا دمقرااطين خليهم يشكله حزبهم
لنشوف مين يلي بدي يفوز
بس حزب النساء رح يكسره شوكه حزب الرجال

و
احكوا انه نور الشمس قالت

ههههههه

ولا حتى بالاحلام اخت نور شمس


نحن قادة والتاريخ يشهد

فمنا عمر بن الخطاب وابو بكر وعلي وعثمان وعمرو بن العاص وخالد بن الوليد وغيرهم

نحن صانعات الرجال لا تسمع من يقول وراء كل رجل امراة عظيمة...


فمنا فاطمة الزهراء وان سلمة وعائشة وخديجة واسماء بنت ابي بكر....

ههههههههههههههههه

اولم يصلك خبر انا منا الانبياء والرسل

اولم يصلك الخبر ان الانبياء والرسل قدروا المراة ودورها او لا تقدرها فهي التي تصنعكم ولا حدابيقدر ينكر.....صح......

وبعدين يعني شو هالحزب اللي بس المدير اللي قايم فيه ..
ولا احكيلك بجوز الاعضاء الشباب عافين الخسارة فما حدا انضم هههههههه.......

لا والله يا شيخة
احنا عنا اعضاء سريين وبعملو اعمال خطيرة وكذلك المشاريع فلا يكل هم
ما حدا بيغلب حزب الشباب
اولم تعلمي ان الكون ذكر

مولعه ساحة المنتدى اليوم


ام يسبق لك ان احد قال
وراء كل رجل عظيم امراءه عظيمه

زي ما قالت سكر اي حزب شباب ازا بس ما فيه هاد الحزب غير رئيسه

مبين الحزب فاشل من اوله
هع هع هع هع


ولا شو سكر؟

اولم يقال لك ان الحياة انثى............

وبعدين لهدرجة الاعضاء الشباب خايفين منا وخايفين يظهروا والله ما هي حلوة بحقكم لا والله.....

هاي اهانه بحق كل جنس ادم

ما مبييييييييييييييييينيييييييييييين

مبين حزب النساء فايز فايز

وازا كلامي مو صح خلوهم يفرجونا قوتهم

كلامك صح نور الشمس احنا فايزين يعني فايزين
ما تحاولو اصلا مبين انكم مش راح تفوزو لانكم من اولها نايمين يا حرام اخص يا شباب ما توقعت ههههههههههههههههههه
شدو حيلكم صبايا احنا الفايزين
بعيدن على سيرة الموضوع بالله عليك بس انا نفسي اعرف شو عانت المراه السوريه قدام الفلسطينيه هو انت ازا زي ما قولت فعلا اشي طبيعي تكون هيك لانو مو ناقصها اشي بتفضى انها تحضر وتحكي كلام حلو بس بكفي انو احنا كلنا الفلسطينين ناقصنا اشي اسمو الامان من كل الجهات
بعدين احنا ما بنحكي الفلسطينيات هيك وبنتنفتر لهل درجه بعدين والله عملتها للسوريه جنه يا حرام بطلت السوريات يعصبن هههههههههه


وشكرا
البنت الحره

اوك ...اوك .... اوك
اولم تعلمن ان الحرب خدعة
اولم تعلمن سر نجاح كل عمليتنا
هو السرية ومن ثم شن حملة قوية
نقضي على حزب النساء
ونكون نحن الفائزون
للمناقشة والاستفسار
الاتصال على _((يوم الاربعاء موعدنا ))
وسلامت فهمكن

ادفع نص عمري واعرف شو في يوم الاربعا........

بس خلونا نستنى على اشي بيستاهل ماشي.....