نابلس...والله بتجنن‎

زائر

نابلس عنجد كتيييييييييير روعة وبتجنن

· لانه في نابلس الواحد بيطلع من الكوفي شوب عشان يروح ع مطعم وبالعكس

لانه في نابلس ما بتحتاج لموعد مع أصحابك لانك كل يوم بتشوفهم

· لانه في نابلس اول واحد بيهنيك ب رمضان صاحبك المسيحي

· لانه في نابلس في عيد الميلاد اول واحد بيهنيك صاحبك المسلم

· لانه في نابلس كل الناس بتحب بعض

· لانه في نابلس البنات حلوات بدووون عملياات تجميل

· لانه في نابلس ممكن إنك تنبسط وما تصرف إلا شيكلين

· لانه في نابلس ممكن تفطر فلافل وتتغدى صيني وتتعشى بيتزا ايطالية

· لانه في نابلس بتشوف الناس رايحة الصبح على شغلها وطالعة بالليل تسهر

· لانه في نابلس اول ما تروح عند صاحبك بدخلك ع المطبخ وبطعميك من أكل بيتهم

· لانه في نابلس اول ما يدخلها الجيش كل الشباب بتضربهم حجار وأول ما يطلعو بروحو يريحو في المقاهي والمطاعم

· أسباب أخرى ...

· لانه في نابلس الكل متواطئ على سماع فيروز الصبح

· لانه في نابلس بتدفي قلبك بشيكل ازا شريت كيس فستق محمص

· لانه في نابلس بس رح تسمع الكلمات القروية باللهجة الاجنبيةgive me a تشورسي

· لانو اسماء الاشارة فريدة من نوعها هيذا وميذا وهمّا

· لانه في نابلس كل الناس بتستنى بعضها عند البنك العربي حتى الاجانب

· لانه في نابلس أي واحد تعرفت عليه ع المسنجر بتلاقيه بكزدر بشارع المنتزة

· لانه في نابلس وانت نازل بشارع المنتزة ,,, بتردلك الروح

· لانه فيروووس الحب منتشر بنابلس ... وكل الناس مزكمين

· لانه في نابلس الخضرجي بحب تاكل كويس عشان هيك ما ببيعك الا ب الكيلو

· لانه ازا انقطعت من المصاري الا ما تلاقيلك صاحب يدفع اجار الطريق وازا ما لقيت اركب باص وحيتخانقو 3 عشان يدفعو عنك

كل التحيات لكل اهل نابلس

نابلس يا نور الله على الارض...... نابلس يا دافيه بعز البرد

الله يحميك يا نابلس يا عيوننا